1 мамыр – бірлік, ынтымақ күні қарсаңында, 30 сәуір күні 3-4 сыныптар арасында «Бірлігі жарасқан Қазақстан» атты ұлттар фестивалі өтті. Бұл сайыстың мақсаты оқушыларға Қазақстан Республикасы әлемдегі ең алғашқы мемлекеттердің бірі болып ,сырттан келген басқа ұлт өкілдеріне алтын бесік болғандығын ұғындыру. Қазақстандық патриотизмге, елін, жерін сүюге және халқын құрметтеуге тәрбиелеу. Басқа ұлт өкілдерінің мәдениетін, әдет ғұрпын сыйлауға тәрбиелеу. Сайысқа қазақ, орыс, өзбек, қырғыз, грузин ұлттары қатысып, өз өнерлерін көрсетті. Сайыстың қорытындысы бойынша, 3 «А» сыныбы –қазақ, 3 «Б» сыныбы өзбек ұлттары белсене қатысқаны үшін марапатталды. Ал жүлделі ІІІ орынды 4 «А» сыныбы- қырғыз ұлты, ІІ орынды 3 «Ә» сыныбы- орыс ұлты иеленді. Жақсы өнерлерін көрсетіп жеңіске жетіп, І орынды 4 «Ә» сыныбы грузин ұлты иеленді.
Осындай сайыс 7-8 сыныптар арасында жалғасын тапты. Сайыстың қорытындысы бойынша 8 «Ә» сыныбы үнді ұлты,7 «Б» сыныбы украин ұлты белсене қатысқандары үшін марапатталды. Ал жүлделі орындарды 8 «А» сыныбы грузин ұлты ІІІ орын, 7 «А» сыныбы сыған ұлты ІІ орын, 7 «Ә» сыныбы орыс ұлты І орынды иеленді. Сайыс қызықты да, тартысты өтті.
|