«№27 жалпы білім беретін орта мектебі» КММ – де 19, 21, 22 қараша күндері Қарағанды облысы «Өрлеу» БАҰО» тренері Ф.А. Ермағанбетова «Тиімді оқыту мен оқу» жаңа білім беру мазмұны аясында үш күндік семинар өткізді. Семинарды ұйымдастыру мақсаты: орта білім беруді жүйелі жаңғырту арқылы мұғалімдерге жан-жақты қолдау көрсету. Бұл семинарға пәндер бойынша 25 мұғалім қатысты. Семинар барысында мұғалімдерді жаңартылған білім беру мазмұнымен, критериалды бағалауды, жаңа стардартта белгіленген жаңа мазмұн, оқушылардың сыни, шығармашылық тұрғыда ойлау дәрежесін дамытатын стратегия түрлерін, жобалау әдістерімен таныстырды. Семинар соңында мұғалімдерге Қарағанды облысы «Өрлеу» БАҰО» сертификаты табысталды.