Еліміздің ұлы тойы Қазақстан Республикасының 25 – жылдығы қарсаңында мектебімізде жергілікті ақын, жазушы композиторларымыздың өнерлерін өскелең ұрпақтың бойына сіңіре отырып, рухани адамгершілік қасиеттерін қалыптастыру мақсатында «Тәуелсіздікті жыр еткен – сырлы жүрек» атты жергілікті ақын компазиторлармен кездесу өтті. Кездесуге ардақты өмірлерін өлеңмен өрнектеп жүрген, құшағы кең пейілі ашық, ән, жыр әлемінде өз орындарын ойып алып жүрген ардақты ағаларымыз келді. Оқушылар Мұса Нақыпбекұлы Тілеуов, Абдолла Дастанов, Тоғайбеков Мәжит ағаларына өмірі мен шығармашылығы, шыққан әндерінің тарихы жайында сұрақтар қойып, толық жауаптарын алды.

«Боламын деген баланың етегін баспа, белін бу» деп жатады. Біздегі қара шаңырақ аталатын мектебіміз «болмасаңда ұқсап бақ» демекші ағаларының ұлағатты ізгі жолдарыңызды бассақ деп ниеттеніп жүрген оқушыларымыздың алақандай жүректерінен шыққан тәуелсіздік мерекемізге арналған жыр шумқтарын арнады. Балаларымыздың өнеріне бағыт бағдарларымызды беріп ақ баталарын берді.

Тәуелсіздігіміздің 25 – жылдығына орай өткен бұл кездесудің оқушыларға берер тәлім – тәрбиесі зор болды.