55 жылға тарта ұстаздық қызметінің 30 жылы мектеп басшысы болған, 1954-1959 ж.ж. Абай атындағы Қазақ мемлекеттік пед.институтының студенті, 1967-1975 ж.ж. Жезқазған поселкесіндегі №10 мектептің директоры, 1975-1997 ж.ж. Сәтбаев қаласындағы №27 орта мектебінің директоры, 1997-2014 ж.ж. №27 орта мектебінің ұстазы, 1970 ж. “В.И.Лениннің туғанына 100 жыл толуына орай Ерен еңбегі үшін” медалі, 1972 ж. “КССР оқу ісінің үздігі”, 1978-1984 ж.ж. Социалистік жарыстың 4 жыл қатарынан жеңімпазы, 1984 ж. “СССР оқу ісінің үздігі”. 1992 ж. Жезқазған облысы бойынша “Жыл директоры” байқауының жеңімпазы, 1992 ж. “Оқытушы - әдіскер” , 1996 ж. “Еңбек ардагері” медалі, 2001 ж. “Ерен еңбегі үшін” медалі, 2006 ж. ҚР Еңбек сіңірген қайраткері, 2007ж. Қазақстан Республикасы Білім және Ғылым министрлігінің Құрмет грамотасы, 2009 ж.«Ы.Алтынсарин белгісінің» иегері, 2013 ж. “Құрмет ордені” иегері, Сәтбаев қаласының құрметті азаматы Бейсенбекова Шабал Бейсекнбекқызының мерейлі 80-жылдығына орай мектебімізде «Кездесейік, жүздесейік әрдайым» атты салтанатты кездесу өтті. Кездесуге қала мектептерінің директорлары, қалалық Білім бөлімінің бас маманы, ардагер ұстаздар қатысты.
Салтанатты жиын Шабал Бейсенкбекқызына дружиналардың рапорт беруінен бастау алса, барысында ұстаздың өмірінен үзінді көріністер қойылып, ата-аналар жырдан шашу шашты. Ардагер ұстаздың оқушылары өз лебіздерін өлең шумақтарымен білдірсе, мектептің бір топ мұғалімдерінен құралаған «Ұстазым» хоры орындалды. Салтанатты кездесудің себепкері, қадірлі ұстаз Шабал Бейсенбекқызы өзінің алығысын айтып, ризашылығын білдірді. Кездесу Шабал Бейсенбекқызы атындағы мұражайға саяхатпен ұласты.
|