Главная » 2017 » Ақпан » 2 » «Оқушыларға адамгершілік тәрбиесін беру жолдары» атты семинар-тренинг
15:30
«Оқушыларға адамгершілік тәрбиесін беру жолдары» атты семинар-тренинг
31 қаңтар күні 7 «Ә» сынып жетекшісі Серикова.К және 7 «Б» сынып жетекшісі Ибраева.М ұйымдастырумен сынып жетекшілерге арналған «Оқушыларға адамгершілік тәрбиесін беру жолдары» атты семинар-тренинг өткізілді.Мақсаты: Қатысушылардың психоэмоционалдық жағдайларын жақсарту, бір-бірімен жақсы қарым -қатынас орнату. Шығармашылық қабілетті әрі қарай дамыту. 5-11 сыныптардан 13 сынып жетекшілер қатысып, өздерінің заманауи сынып жетекші яғни, шығармашыл,ертеңіне сенімді, ғылыми-танымы жан-жақты дамыған заман талабына сай тәрбиеші екендігін семинар-тренинг барысында дәлелдеді. Семинар-тренинг жоспарына сәйкес әртүрлі жаттығулар өткізілді. «Амандасу» тренингінде мұғалімдер ортаға шығып,Бумба-Юмба тайпасының дәстүрі бойынша амандасты және сынып жетекшілерге «Қайырымдылық ең жақсы байланыс!» атты бейнебаян көрсетілді.Бейнебаянға байланысты сұрақтар қойылып,өз ойларын ортаға салды.
«Ашулы шарлар» атты психологиялық тренинг жүргіліп,шарлар арқылы ашудың түрлері және оларды қалай бақылау керек екендігі жайлы кеңестер берілді.Сонымен қатар ой толғау «Мен үйдемін» және «Мен жұмыста,сергіту сәті, «Адамгершілік ағашы» атты бірнеше тренингтер жүргізілді.
Тренинг-сабақ қойылған мақсатына жетті. Мұғалімдер сабақта ұсынылған барлық ойындар мен жаттығуларға қызығушылықтарын танытып, белсенді қатысты. Сабақ аяқталған соң қатысушылар өз ризашылықтарын білдіріп рахметтерін айтты.