«Жаратылыстану» әдістеме бірлестігінің онкүндік аясында қорытынды «Қызықты бес пән» атты зияткерлік сайыс ұйымдастырылды. Оқушылардың жаратылыстану пәндеріне қызығушылықтарын арттыру, ой-өрістерін дамыту, алған білімдерін пысықтау және әр сыныптан құрылған топта ынтақтастықта топпен жұмыс жасауға дағдыландыру мақсатында өткізілген сайысқа 5-11 сынып оқушылары қатысты. Зияткерлік сайыс бес кезеңнен тұрды: «Топтардың таныстыруы», «Қызықты бес пән» математика, химия, физика, информатика, биология пәндері бойынша сұрақтар, «Дода» арифметикалық, логикалық есептер және жұмбақтар жасырылды, «Кім жылдам?» ребустар мен суретті сөзжұмбақты уақытқа шешті, «Жорға» топ басшылар сайысы.

Жалпы ойынға бес оқушыдан құралған бес топ құрылды: І-топ «Формула», ІІ топ «Архимед», ІІІ топ «Жүйріктер», ІҮ топ «Қырандар» Ү топ «Тапқырлар». Әр кезеңге жауапкершілікпен қарап, қызығушылықпен қатысты. Сайыс соңында әр пән өкілдерінен (мұғалімдер) құралған әділ қазылар алқасы қорытынды шығарды. «Қызықты бес пән» атты зияткерлік сайыста жүлделі ІІІ орын алған «Формула» тобы, ІІ орын алған «Архимед» тобы, І орын алған атына сай «Жүйріктер» тобы мадақтамалармен марапатталды.