«Жапырақ тамырдан нәр алады»  атты ата-аналар жиналысы

Сәтбаев қаласы «№27 жалпы орта білімі беретін мектебі» КММ қараша айының 25 жұлдызында  9 «Ә» сынып жетекшісі Шукенова Балғайша Усатайқызы  «Жапырақ тамырдан нәр алады»  атты ата-аналар жиналысын өткізді. Мақсаты: ата-аналармен кездесе отырып, жасөспірімдердің бойындағы өзгерістердің қалыпты, табиғи заңдылық екендігі жөнінде пікір алмаса отырып, ортақ шешімді анықтау, тәрбиенің тиімді жолын таңдауда көмек көрсету, кеңес беру. Жиналысқа мектеп психологі Алиева Рита Советқызы қатысып, тренинг  жүргізді. Ол ата-аналарды тренингтің ережесімен таныстырып, шаттық шеңбер құру арқылы топқа бөлді. Топтық жұмыстар жүргізді. 1– топ. «Жасөспірім кезінде менің есімде қалғаны», 2 – топ. «Мен өз баламнан көргім келеді» тақырыбында жоба қорғады. Ата-аналар жағдаяттар бойынша  өздерінің ойларын ортаға салды, бейне жазбадан түсінгендерін айтты. Сұраққа жауап берді.

       Жиналыста ата-аналардан үйде немен айналысатыны жайлы, баланың бағасы қандай әсер беретіні жайлы, мектептегі болып жатқан жаңалықтармен бөлісетіні туралы, баласы туралы мәліметті толық хабардар екендігі жайлы сауалнама алу арқылы зерттеу жүргізілді. Тренинг соңында ата-аналарға жапырақтар үлестіріліп берілді. Оған ата-ана өзін қызықтыратын сұрақтары немесе ұсыныстарын  жазды.