Бүгінде өрімдей жастардың қылмыс жасауы көз үйренген көрініске айналып, елді елең қылып отыр. Тәртібі қиын бала есейген сайын қылмыстың ауыр түрлерін жасауға бейімі арта беретінін ескерсек, бұл аса өткір мәселе екенін мойындауға мәжбүрміз.

Оқушыларға қылмыстық істердің адам өміріне тигізер әсері, келешек өмірлеріне оның зардаптары туралы түсіндіру мақсатында мектебімізде 2-3 сыныптар арасында  «Жасөспірімдер арасындағы қылмыс қайтсе азаяды?» атты тәрбие сағаты өтті. Қоғамға жат мінез-қылықтардан сақтандыру, адамгершілік ізгі қасиеттер мен ар-ождан бостандығына тәрбиелеуде ықпалы зор бұл іс –шарада баяндама оқылып, оқушыларға сұрақтар қойылды, жауаптары ортаға салынып талқыланды. Іс – шара соңында сынып жетекшілері тақырып төңірегінде дайындаған видеоролик көрсетілді.