Білім күніне арналған іс-шара «Ұстазым» әнімен ашылды. ҚР-ның Мемлекеттік Туын әкелу құрметі 11 «Ә» сыныбының оқушысы, облыстық, қалалық шахматтан бірнеше дүркін І орын жүлдегері, оқу озаты, қоғамдық жұмыстардың белсендісі Құлыбек Қазбек, 11 «Ә» сыныбының оқушысы, «Шапағат» өзін-өзі басқару ұйымының мүшесі,биология пәні бойынша қалалық ғылыми жобалар сайысының бірнеше дүркін жеңімпазы Жылқайдарова Алтынай, 11 «Ә» сыныбының оқушысы, қоғамдық жұмыстардың белсендісі Сейтбатталов Аспандиярға берілді.
Білім күніне арналған салтанатты жиында алғашқы құттықтау сөзі және былтырғы оқу жылының қорытындысы бойынша оқуда озат болған оқушыларды марапаттау құрметі мектеп директорының міндетін атқарушы Капарова Руслана Оңқонысқызына берілді.
Сонымен қатар, ұстаздық жолын енді ғана бастағалы тұрған, оқушыларға саналы да сапалы жаңартылған білім мазмұнымен сабақ беруге дайындалып «Ұстаздық еткен жалықпас, үйретуден балаға» деген қағиданы басты назарда ұстаймыз деген ағылшын тілі пәнінің жас мамандарына сөз берілді.
Білім күніне арналған іс-шаралар өз мәнінде өтті.
|