ҚҰТТЫҚТАЙМЫЗ!

Сәуірдің алғашқы күні Ш.Ділдебаев атындағы Кеншілер сарайында инабаттылық пен ізгілікті насихаттау мақсатында "Қазақтың келіндері-ай" атты қалалық келіндер байқауы болып өтті. Қазақтың келіндері ұлтымызға тән салт-дәстүрді, әдеб-ибаны барынша көрсетті. Байқау 5 деңгейден тұрды. Нәтижесінде, мектебіміздің ұстазы Гүлзия Мауленова бас жүлдені ұтып алды. Жүлдегерге "Жұмбақтас" санаториіне демалысқа 2 адамдық жолдама берілді. Жеңімпаздарға еңбектері жанып, табыстары тасқындай берсін деп тілейміз!

ҚҰТТЫҚТАЙМЫЗ!

Осы жылдың наурыз айында «Жастар спорт сарайында» Сәтбаев, Жезқазған, Қаражал, Ұлытау өңірінің қоғам қайраткері және құрметті азаматы М.Ж.Көпеевке арналған 18-ші аймақтық шахмат турнирі өтті. Осы шахмат турниріне мектебіміздің озат оқушысы, мақтанышы, көптеген облыстық, қалалық сайыстардың жеңімпазы Құлыбек Қазыбек тағы да мектебіміздің атын облыс деңгейіне шығарды. Мектеп жеңімпазына ұялы телефон сыйға берілді. Құлыбек Қазыбек әлі де биік шыңдардан көрінетіне сенеміз!