28 .04.2017 күні «№27 жалпы орта білім беретін мектебі» КММ-де
«Белсенді қозғалыс және дамытушылық сипаттағы сабақтар. Пәндік таңдау курстары» тақырыбында қалалық шығармашылық күн өтті. Мақсаты: оқу пәндерін тереңдетілген түрде оқыту.
Міндеттері: оқушы іскерлігінің әртүрлі бағыттары бойынша танымдық қызығушылығын қанағаттандыру; алған білімін практикада қолдана білудің маңызы мен әдістерін оқушыларға таныстыру; белсенді әдіс-тәсілдерді оқытудың озық технологияларын пайдалану арқылы педагогтардың жұмыс тәжірибесін ұсыну. Шығармашылық күн салтанатты түрде «Мәңгілік ел» идеясын насихаттау тұрғысында «Мен патриотпын» және оқушылар би үйірмесінің іс-шараларымен ашылды. Шығармашылық күн үш блоктан тұрды. І, ІІ блоктарда таңдау курстары бойынша ашық сабақтар, ІІІ блокта белсенді қозғалыс және дамытушылық сипаттағы шеберлік сабақтары көрсетілді. Мектептегі тәжірибелі мұғалімдер Омарова А., Баймаганбетова Б., Қуанбекова Г., Садуақасова А., Балтина Г., Жақсылықова Т., Ибраева Е., Қазанбаева Г., Сейтбеков А., Мауленова Г., Тұрар А., Тулебаев Д., Муханова Ж., кітапханашылар Құйқабаева Қ., Икишева А., өз тәжірибелерімен бөлісті. Сабақтар өте жоғары деңгейде өтті. 1 –қабатта оқушы қолөнер бұйымдары, спорт жетістіктеріне арналған көрме ұйымдастырылып, қала мұғалімдерінің назарына ұсынылды.
|