№27 жалпы орта білім беретін мектебінде жалпы мектеп ұжымына, ата – аналарға, 9-11 сынып оқушыларына «Білім саласындағы медиация» - тақырыбында мектебіміздің педагог-психолігі Р.С.Алиева түсіндіру жұмыстарын жүргізді.
2011 жылдың 28- қаңтарында Қазақстан Республикасының «Медиация туралы» заңы қабылданды.Бұл заң ҚР медиацияны ұйымдастыру саласындағы қоғамдық қатынастарды реттейді, оны жүргізу қағидаттары мен рәсімін, сондай – ақ медиаторлардың мәртебесін айқындайтындығын айтып өтті.
Медиацияны қолданысқа енгізу мәселесінің өзіндік бір ерекшелігі бар.Қайшылықты жағдайларды реттеу ісі кәсіпқой мамандарға ғана сеніп тапсырылады.Қазіргі сәтте білім беру ұйымдарында бұл проблемамен директордың тәрбие жұмыстары жөніндегі орынбасары, психолог, әлеуметтік педагог мамандар шұғылданады.
Мектептегі медиацияның мақсаты – мектеп қызыметкерлерінің және ата – аналар, оқушылар арасындағы өзара келіспеушілікті бітімгершілікпен шешу.
Міндеті – жасөспірімдерді қандай деңгейдегі болсын қайшылықтарды бейбіт жолмен шеше білуге, ал үлкендерді балалардың айтайын дегенін тыңдата білуге үйрету.
Жалпы мектепте өзара түсіністік және ынтымақтастық заңмен тіршілік ететін бейбіт қауымдастық орнату арқылы осы заңмен өмір сүретін қауым құру мүмкіндігіне де үміт артуымызға болатындығы айтылды.
Мектеп медиаторының жұмыс уақыты:
Сенбі күні сағат:10.00-13.00
Алиева Рита Советовна
Ұялы телефоны:87774183513